Author: MSR Website
-
សោកស្តាយ! U16 កម្ពុជា ចាញ់ U16 ទីំម័រ ២-១ ក្នុងពាន AFF U16 Championship 2018 (មានវីដេអូហាយឡាយ)
កាលពីម្សិលមិញ ក្រុមបាល់ទាត់ជម្រើសជាតិកម្ពុជា អាយុក្រោម១៦ឆ្នាំ បានប្រកួតចាញ់ទីម័រខាងកើត ដោយលទ្ធផល ២ទល់នឹង១ ក្នុងជំនួបសន្សំពិន្ទុលើកទី៣ ប្រចាំពូល A នៃព្រឹត្តិការណ៍ AFF U16 Championship 2018 នៅប្រទេសឥណ្ឌូនេស៊ី។ ក្រោយពីរងបរាជ័យជាលើកទី២ ក្រុមយុវជនគោព្រៃកម្ពុជាហាក់ដូចជាមានសង្ឃឹមតិចតួចក្នុងការឡើងទៅវគ្គបន្ដត្បិតមានត្រឹម៣ពិន្ទុក្នុងដៃក្រោយប្រកួតចំនួន៣លើក។ដោយឡែកប្រកួតបន្ទាប់ ក្រុមលោក Lee Tae Hoon ត្រូវបន្តប៉ះជាមួយមីយ៉ាន់ម៉ា មុនជួបជាមួយម្ចាស់ផ្ទះឥណ្ឌូណេស៊ី។ ទស្សនាវីដេអូហាយឡាយ៖ រូបភាព៖ សហព័ន្ធបាល់ទាត់កម្ពុជា -
Laurent Koscielny ចង់ចាកចេញពី Arsenal ដោយសារតែរអៀសខ្លួន?
Laurent Koscielny បានបង្ហើបឲ្យដឹងនៅថ្ងៃនេះថា គាត់ចង់ចាកចេញពីក្លឹប Arsenal នៅរដូវកាលនេះ ដោយសារតែបញ្ហារបួសធ្ងន់ ហើយមិនអាចចូលលេង រហូតដល់ឆ្នាំក្រោយ។ ការពិតទៅ Koscielny នៅមានកុងត្រាជាមួយក្លឹបកាំភ្លើងធំ Arsenal រហូតដល់ ២រដូវកាលទៀត ប៉ុន្តែគាត់បានបង្ហើបឲ្យដឹងថា ប្រហែលជាពេលនេះ ជារដូវកាលចុងក្រោយហើយ។ Koscienlny និយាយថា៖ «ខ្ញុំមានកុងត្រាជាមួយ Arsenal ដល់ខែមិថុនា ឆ្នាំ ២០២២។ ប៉ុន្តែក្រោយមក? ... -
ផុន ផាន់ណា៖ អ្នកណាមិនចង់ខ្លាំង តែធ្វើម៉េចបើជីវភាពខ្ញុំយ៉ាប់យ៉ឺនបែបនេះ?!
អ្នកណាមិនចង់ខ្លាំង តែធ្វើម៉េចបើជីវភាពខ្ញុំយ៉ាប់យ៉ឺនបែបនេះ? ពាក្យមួយឃ្លាខាងលើនេះត្រូវបាននិយាយចេញពីមាត់ផ្ទាល់របស់អ្នកប្រដាល់គុនខ្មែរ ផុន ផាន់ណា។ ដោយស្លៀកខោខ្លី ពាក់អាវយឺតពណ៌លឿងរបស់ក្រុមបាល់ទាត់ប្រេស៊ីលព្រមទាំងក្រវាត់ហោប៉ៅដាក់លុយផងនោះ យើងអាចមើលស្គាល់ដោយមិនស្ទាក់ស្ទើរថាគេគឺជាអ្នកប្រដាល់គុនខ្មែរជើងខ្លាំងមួយរូបក្នុងប្រភេទទម្ងន់ ៧០គីឡូឡើង។ នៅក្បែរកីឡាកររូបនេះគឺជារទេះអូសដោយម៉ូតូមួយគ្រឿងដែលជាយានដឹកបបរលក់។ ជាមួយនិងសម្លេងអំពាវនាវតាមមេក្រូដែលប្រកូកប្រកាសអោយដឹងពីប្រភេទទំនិញរបស់ខ្លួន ផាន់ណា ដែលធ្លាប់ឈ្នះខ្សែក្រវាត់៤គ្រឿងក៏កំពុងមមារញឹកក្នុងការលក់បបររបស់ខ្លួនអោយអតិថិជនផងដែរ។ ពេលជួបជាមួយនិងអ្នកយកព័ត៌មានរបស់ MSR ផាន់ណា បានធ្វើការត្អូញត្អែរផងដែរថា «បើរំពឹងទៅលើតែការប្រកួតដែលមិនជាប់លាប់ ប្រពន្ធនិងកូនរបស់គេទាំងពីរច្បាស់ជាគ្មានអ្វីច្រកក្រពះឡើយ»។ កីឡាករអ្នកប្រដាល់គុនខ្មែរមកពីខេត្តកោះកុងរូបនេះក៏បាននិយាយប្រាប់អ្នកយកព័ត៌មានរបស់យើងទៀតដែរថា «ខ្ញុំដឹងថាមានមតិរិះគន់អំពីសមត្ថភាពរបស់ខ្ញុំដែលកាន់តែធ្លាក់ចុះនាពេលបច្ចុប្បន្ន តែបើខ្ញុំរវល់តែយកពេលវេលាហ្វឹកហាត់ពេក ដោយមិនគិតគូរពីការរកចំណូលបន្ថែម តើខ្ញុំអាចផ្គត់ផ្គង់ក្រុមគ្រួសារដោយរបៀបណា។ ដូច្នេះខ្ញុំមានតែពាក្យអរគុណដល់បងប្អូនជនរួមជាតិដែលនៅតែគិតគូរនិងមិនបានបំភ្លេចរូបខ្ញុំនិងអរគុណដល់បណ្តារអ្នករៀបចំការប្រកួតនៅក្នុងកម្មវិធីប្រដាល់តាមស្ថានីយ៍ទូរទស្សន៍ផងដែរដែលតែងតែផ្តល់ឱកាសអោយខ្ញុំបានប្រកួតជាបន្តបន្ទាប់។ ខ្ញុំនៅមិនទាន់បោះបង់ការប្រកួតលើសង្វៀនទេ ... -
អ្នកប្រដាល់គុនចម្រុះ សឹម ប៊ុនស្រ៊ន់ ផ្អាកឡើងសង្វៀន មកធ្វើជាអ្នកចំការវិញ
អស់រយៈកាលជាច្រើនខែមកហើយដែលទស្សនិកជនមិនដែលឃើញវត្តមានអ្នកប្រដាល់គុនចម្រុះ សឹម ប៊ុនស្រ៊ន់ ទៅចូលរួមប្រកួតក្នុងព្រឹត្តិការនាៗជាពិសេសការប្រកួតសង្វៀន One Championship ខណៈពេលដែលកីឡាករគុនចម្រុះរបស់កម្ពុជាជាច្រើនរូបកំពុងតែមានវត្តមានប្រកួតក្នុងសង្វៀនមួយនេះ។ បើតាមការបញ្ជាក់របស់អ្នកប្រដាល់ដែលមានដើមកំណើតក្នុងខេត្តកំពង់ចាមរូបនេះបានរៀបរាប់ថា មូលហេតុដែលរូបគេមិនមានវត្តទៅប្រកួតនៅក្រៅស្រុកដូចកីឡាករកម្ពុជាដទៃទៀត ដោយសារតែ៥ទៅ៦ខែមុនមានបញ្ហាប្រេះឆ្អឹងដៃ តែឥឡូវនេះបញ្ហារបួសដៃក៏បានជាសៈស្បើយដូចធម្មតាវិញ តែជាអកុសលអ្វី នៅពេលរូបខ្លួនទៅធ្វើការហ្វឹកហាត់ដូចសព្វដងក៏ជួបរឿងស៊យមួយទៀតគឺជាប់សរសៃស្មា ដែលជាហេតុបណ្តាលអោយរូបខ្លួនមិនអាចបន្តការហ្វឹកហាត់ទៀតបាន។ ក្រៅពីអាជីពជាអ្នកប្រដាល់គុនចម្រុះ សឹម ប៊ុនស្រ៊ន់ ក៏ជាអ្នកធ្វើចំការដ៏ពិនប្រសព្វមួយផងដែរ ដោយមួយរយៈនេះកំពុងតែមម៉ាញឹកជាមួយនឹងការបណ្តុះរុក្ខជាតិល្មើរលក់ ដោយដើមល្មើរនេះមានសារៈប្រយោជន៍ជាច្រើនដូចជា ដើមក៏អាចលក់បាន គ្រាប់ក៏អាចលក់បានដូចគ្នា, ប៊ុនស្រ៊ន់ បានបញ្ជាក់បន្ថែមថា ដើមល្មើរកំពុងតែមានការពេញនិយមពីសំណាក់ប្រជារាស្រ្តកម្ពុជា ... -
ម៉ាត់ សារ៉ន សម្រេចបិទក្លិបមរតកយុទ្ធគុនខ្មែរ ក្រោយបង្កើតឡើងជាងមួយឆ្នាំ
លោក ម៉ាត់ សារ៉ន ម្ចាស់ក្លិបប្រដាល់ មរតកយុទ្ធគុនខ្មែរ បានសម្រេចចិត្តបិទក្លិប ប្រដាល់របស់ លោកដែលប្រឹងប្រែងបង្កើតឡើងជាងមួយឆ្នាំកន្លងមកក្រោមហេតុផលចាប់គូអោយកូនសិស្សមិន សូវបានឡើងប្រកួតនៅតាមស្ថានីយ៍ទូរទស្សន៍ផ្សេងៗ ។ លោក ម៉ាត់ សារ៉ន បានបញ្ជាក់ថា លោកពិតជាហត់នឿយខ្លាំងសម្រាប់ការបង្ហាត់កូនសិស្សដើម្បី អោយពួកគេបានបង្ហាញសមត្ថភាព ប៉ុន្តែកូនសិស្សរបស់លោកជាង១៥នាក់ក្នុងមួយខែបានឡើង ប្រកួតតែ១រឺ២នាក់ប៉ុណ្ណោះ ដូចនេះហើយពួកគេម្នាក់ៗដែលខិតខំហាត់៥ទៅ៦ខែមិនមានថវិកា សម្រាប់ចំណាយផ្សេងៗរបស់គេ ហើយក្លិបដែលចិញ្ចឹមពួកគេក៏មិនមានលទ្ធភាពបន្តទៀតដែរ ។ បុរសធ្លាប់បង្ហាត់គុនខ្មែរនៅប្រទេសជប៉ុនរូបនេះបន្ថែម លោកមិនទាន់បោះបង់ចោលទាំងស្រុងនោះទេ គ្រាន់តែចង់សម្រាកសិនប៉ុណ្ណោះ ហើយលោកនឹងខិតខំវិលមកវិញនៅពេលណាមួយព្រោះតែលោក ... -
ក្រុមបាល់ទាត់ Everton បានសម្រេចជោគជ័យនូវការទិញយក Lucas Digne ពីក្រុម Barcelona
កីឡាករបារាំង Lucas Digne ដែលបានក្លាយជាសមាជិករបស់ក្រុមអ្នកមានបុណ្យ Barcelona កាលពីឆ្នាំ២០១៦និងជួយអោយក្រុមនេះបានឈ្នះពានរង្វាន់ La Liga មួយដែរនុះ នាពេលនេះគេបានក្លាយទៅជាកីឡាករថ្មីរបស់ក្រុមបាល់ទាត់ស្ករគ្រាប់ Everton វិញហើយ។ ថ្លែងទៅកាន់អ្នកយកព័ត៌មានកីឡាករវ័យ២៥ឆ្នាំរូបនេះបាននិយាយអោយដឹងថា Everton គឺជាក្រុមបាល់ទាត់អាជីពមួយដែលមានប្រវត្តិដ៏យូរលង់ណាស់មកហើយ។ ការជួយអោយក្រុមមួយនេះឈ្នះការប្រកួតនៅក្នុងកម្មវិធីផ្សេងៗវាគឺជាកិត្តិយសដ៏ធំរបស់គេ។ មិនសូវជាទទួលបានជោគជ័យអ្វីជាដំកំភួនឡើយនៅពេលដែល Dinge បានចំណាយពេលនៅលើទឹកដីកាតាលូញ៉ាជាមួយនិងក្រុមអ្នកមានបុណ្យ Barcelona ហើយរូបគេក៏ត្រូវបានខ្ចីដោយក្រុម Roma អស់រយៈពេលមួយរដូវកាលផងដែរ។ កត្តានេះហើយដែលធ្វើអោយគេមិនបានជាប់ជាកីឡាករជម្រើសជាតិបារាំងក្នុងយុទ្ធនាការណ៍ប្រកួតបាល់ទាត់ពិភពលោក២០១៨នាពេលកន្លងមក។ តម្លៃ១៨លានផោនត្រូវបានលាតត្រដាងថាជាតួរលេខនៃការដោះដូរគ្នារវាងក្រុមបាល់ទាត់ Barcelona ... -
Son Heung-min សុំទោសអ្នកគាំទ្រ Spurs ព្រោះត្រូវចាកចេញទៅធ្វើរឿងមួយឲ្យកូរ៉េខាងត្បូង
ដោយសារត្រូវទៅបំពេញបេសកកម្មជាមួយកូរ៉េខាងត្បូង ក្នុងព្រឹត្តិការណ៍ Asian Games នៅឥណ្ឌូនេស៊ី កីឡាករវ័យ ២៦ឆ្នាំ Son Heung-min បានសុំទោសអ្នកគាំទ្រក្រុម Tottenham Hotspurs។ សុំទោស ព្រោះថាគេប្រហែលជាអាចបាត់មុខពីការប្រកួត ប្រហែលជាអាច ២ ឬ ៣ដង ក្នុងពេលបើករដូវកាល English Premier League រដូវកាល 2018-2019 ។ សម្រាប់ ... -
Man UTD ពិន័យខ្សែប្រយុទ្ធ Anthony Martial ២៣ម៉ឺនដុល្លារក្រោយអវត្តមានដោយមិនមានច្បាប់
ក្រុមបិសាចក្រហម Manchester United បានពិន័យខ្សែប្រយុទ្ធ Anthony Martial ក្រោយពីអវត្តមានដោយមិនមានច្បាប់សម្រាប់ការប្រកួតមិត្តភាពកំដៅសាច់ដុំនៅសហរដ្ឋអាមេរិក។ កីឡាករបារាំងបានសុំចាកចេញពីទឹកដីសហរដ្ឋអាមេរិកទៅទីក្រុងប៉ារីស ប្រទេសបារាំង ដើម្បីទៅមើលមិត្តស្រីរបស់ខ្លួនសម្រាលកូន។ យ៉ាងណាក្ដីជាង១សប្ដាហ៍មកហើយ អតីតសមាជិក AS Monaco មិនបានបង្ហាញវត្តមានវិញឡើយជាមួយក្រុមលោក Jose Mourinho។ ដោយឡែកអ្នកចាត់ការសញ្ជាតិព័រទុយហ្គាល់ក៏បានធ្វើការរិះគន់កូនក្រុមរបស់ខ្លួន Anthony Martial ថា៖ “កូនរបស់គេបានសម្រាលហើយដោយមានសុខភាពល្អ អរគុណព្រះជាម្ចាស់។ គេគួរតែត្រលប់មកជួយក្រុមវិញ ប៉ុន្តែគេមិនបានត្រលប់មកវិញឡើយ។” យោងតាមសារព័ត៌មាននៅអង់គ្លេសបានចេញផ្សាយថា កីឡាករវ័យ២២ឆ្នាំនឹងត្រូវបង់ទឹកប្រាក់ចំនួន ... -
ឃុន ឌីម៉ា វិលចូលហ្វឹកហាត់វិញ ប៉ុន្តែដៃមិនទាន់ប្រើបាន
ក្រោយពីដកដែកចេញពីរបួសដៃប្រកបដោយសុវត្ថិភាពជិតមួយខែកន្លងមកពេលនេះអ្នក ប្រដាល់គុនខ្មែរ ឃុន ឌីម៉ា បានវិលចូលសង្វៀនហ្វឹកហាត់វិញបានហើយ ប៉ុន្តែដៃរបស់គេនៅ តែមិនទាន់ប្រើបាន ពោលការហាត់របស់ម្ចាស់មេដាយមាសស៊ីហ្គេមរូបនេះប្រើបានតែជើង និងចលនារាង្គកាយតិចតួចប៉ុណ្ណោះ ។ តាមការអោយដឹងរបស់អនុសេនីយ៍ត្រីប្រចាំកងរាជអាវុធរូបនេះថា ស្ថាភាពដៃរបស់ គេមិនទាន់ប្រើប្រាស់បាននោះទេ ក្រោយដកដែកជិតមួយខែកន្លងមក ខណៈការហាត់គឺ ប្រើបានតែជើងប៉ុណ្ណោះ ហើយក៏មិនទាន់ដឹងច្បាស់ថារបួសដៃនេះអាចប្រើបាន១០០ ភាគរយនាពេលណាដែរ ប៉ុន្តែគ្រូពេទ្យបញ្ជាក់ថាប្រហែលមួយខែកន្លះអាចប្រើប្រាស់បាន ។ គួររំលឹកថា ក្រោយឈ្នះខ្សែក្រវាត់ជើងឯកគោជល់វគ្គ៧ ឃុន ឌីម៉ា (ឃឹម ឌីម៉ា) ... -
ខ្សែប្រយុទ្ធ Cristiano Ronaldo ចាប់ផ្តើមហ្វឹកហាត់លើកដំបូងជាមួយ Juventus (បណ្តុំរូបភាព)
ក្រោយពីបញ្ចប់វិស្សមកាលនិងការងារផ្ទាល់ខ្លួនជាមួយនឹងក្រុមគ្រួសារ ខ្សែប្រយុទ្ធ Crisitano Ronaldo បានធ្វើដំណើរមកដល់ទីក្រុង Turin វិញកាលពីថ្ងៃអាទិត្យដើម្បីធ្វើការហ្វឹកហាត់ជាមួយក្រុមសេះបង្កង់ Juventus ត្រៀមសម្រាប់បើករដូវកាលថ្មី Italia Serie A។ ប្រធានក្រុមជម្រើសជាតិព័រទុយហ្គាល់បានជួបជាមួយមិត្តរួមក្រុមថ្មីៗដូចជា Paulo Dybala, Juan Cuadrado និង Gonzalo Higuain ផងដែរ ក្រោយពេលដែលពួកគេទើបបញ្ចប់វិសម្សកាលរបស់ខ្លួនដូចៗគ្នា។ រីឯក្រុមលោក Massimiliano Allegri កំពុងស្ថិតនៅសហរដ្ឋអាមេរិកធ្វើការប្រកួតមិត្តភាពកំដៅសាច់ដុំចំនួន២ប្រកួតទៀតដោយត្រូវជួបជាមួយ ...
